केपी ओलीको तस्बिर राखेर अनुष्ठान गर्ने ज्योतिष पुष्कर खतिवडा पक्राउ

काठमाडौं । प्रधानमन्त्री केपी शर्मा ओलीसहित नेताहरूको तस्बिर राखेर अनुष्ठान गरेको भन्दै प्रहरीले धर्मगुरु पुष्कर खतिवडालाई प्रहरीले पक्राउ गरेको छ ।

प्रहरी वृत्त महाराजगन्जको टोलीले आज सोमबार उनलाई पक्राउ गरेको बताइएको छ ।

खतिवडाले आफ्नो घरमा यज्ञ गर्दै गरेको भिडिओ सामाजिक सञ्जालमा राखेकाका कारण उनलाई पक्राउ गरिएको प्रहरीले बताएको छ । विद्युतीय अपराध अन्तर्गतको कसुरमा पक्राउ गरिएको प्रहरीको भनाइ छ ।

‘देश खाल्डोमा हाल्ने नेताहरू छन्, उनीहरूको फोटोसहित राखेर यमराजको पूजा गर्ने निर्णय गरेको छु,’ उनले भनेका थिए । यसपछि उनलाई प्रहरीले पक्राउ गरेको हो ।