अमेरिकामा गोली हानेर नेपाली विद्यार्थीको हत्या

काठमाडौं । अमेरिकामा गोली हानेर एक जना नेपाली विद्यार्थीको हत्या भएको छ ।

टेक्सासस्थित ह्युस्टनमा सोमबार साँझ नेपालको भोजपुरकी २१ वर्षीया मुना पाण्डे गोली लागेको अवस्थामा मृत भेटिएकी हुन् ।

छातीमा गोली लागेको अवस्थामा उनी अपार्टमेन्टमा भेटिएकी अमेरिकी प्रहरीले जनाएको छ ।

सोमबार बेलुका ५ बजेर ३५ मिनेटमा प्रहरी घटनास्थलमा पुग्दा उनलाई मृत अवस्थामा भेटाएको जनाइएको छ । अहिलेसम्म घटनामा कोही पनि संदिग्ध फेला नपरेको र अनुसन्धान जारी रहेको प्रहरीले जनाएको छ ।

पाण्डे ह्युस्टन कम्युनिटी कलेजमा अध्ययनरत थिइन् । उनी ३ वर्ष अगाडि सन् २०२१ मा अध्ययनका लागि अमेरिका पुगेकी थिइन् ।