नेप्सेमा सामान्य वृद्धि, कारोबार रकम पनि बढ्यो

काठमाडौं । सेयर बजार परिसूचक नेप्से आज १ दशमलव ८६ अंकले बढेको छ । यो सँगै परिसूचक २ हजार ६ सय ८५ दशमलव ७३ विन्दुमा पुगेको छ ।

त्यस्तै, यस दिन सेन्सेटिभ इण्डेक्स ० दशमलव २५ अंक बढेको छ भने फ्लोट इण्डेक्स ० दशमलव २६ अंक र सेन्सेटिभ फ्लोट इण्डेक्स ० दशमलव २४ अंक बढेको छ।

नेप्सेसँगै यस दिन कारोबार रकम पनि बढेको छ। अघिल्लो कारोबार दिन ७ अर्ब २४ करोडको शेयर खरिदबिक्री भएको बजारमा यस दिन ३०७ स्टकको ८२ हजार ८०५ पटकको कारोबारमा ८ अर्ब ७१ करोड ७८ लाख ४७ हजार रुपैयाँबराबरको १ करोड ५५ लाख २० हजार कित्ता शेयर खरिदबिक्री भएको छ।