यसरी सेयर बजार घट्नुको कारण तरलता अभाव र सरकारको व्यवास्था रहेको जानकारहरु बताउँछन् । बजार घटेको समयमा पनि तरलता अभावका कारण बैंकबाट पैसा नपाउनाले खरिदकर्ता बजारमा आउन नसकेको उनीहरूको तर्क छ । ७ जेठ बुधबार दुई हजार बिन्दुको परीक्षण गरेलगत्तै बाउन्सब्याक लिएको नेप्से एकैदिन ६० अंकको वृद्धि भएर बन्द भयो । बिहीबार कारोबार समयमा नै परिसूचक २१०० बिन्दुमा पुगिसकेको थियो। तर, बिहीबार २१ सयलाई पार गरेलगत्तै बिक्रेताको सक्रिय प्रदर्शनी बजारमा देखिएको थियो। २१ सय कट्ने बित्तिकै सामान्य नाफा बुक गरेर लगानीकर्ता बाहिरिएका थिए ।
बुधबारयता कारोबारी तीन दिन मात्र नेप्से ४८ अंकले घटिसकेको छ। साेमबार कारोबारमा आएका २३० कम्पनीको २९ लाख २० हजार ७०५ कित्ता सेयर किनबेच हुँदा ९९ करोड ८६ लाख ७४ हजार बढीको कारोबार भएको छ ।
कारोबारमा आएका कम्पनीमध्ये बलेफि हाइड्रोपावर लिमिटेड र ग्रिन भेन्चर्स लिमिटेडको सेयर मूल्यमा सकारात्मक सर्किट लागेको छ । यी कम्पनीका लगानीकर्ताले करिब १० प्रतिशत नाफा कमाएका छन् ।
यस्तै मानुषी लघुवित्त, एनएमबी ५०, ओरियन्टल होटल र बुद्ध भूमी नेपालका लघुवित्तका लगानीकर्ताले ५ प्रतिशत भन्दा धेरै गुमाउका छन् । यस्तै आज सानिमा बैंकको सर्वाधिक कारोबार भएको छ । बैंकको ९ करोड बढीको कारोबार भएको छ ।
FACEBOOK COMMENTS