मंगलबार, असार ३, २०८२
कर्पोरट खबर
6:06 pm, मंगलबार, असार ३, २०८२
काठमाडाैं । प्रभु बैंक लिमिटेड र छिमेक लघुवित्त वित्तीय संस्था लिमिटेडले संस्थापक शेयर बिक्री खुल्ला गरेको छ ।
प्रभु बैंक लिमिटेडको ९,८८२ कित्ता शेयर र छिमेक लघुवित्त वित्तीय संस्थाको २,४४,४८० कित्ता शेयर बिक्रीका लागी आजबाट सिलबन्दी बोलपत्र खुला भएकाे हाे ।
कम्पनीले बोलकबोल माध्यमबाट प्रभु बैंक लिमिटेडको शेयरको न्यूनतम मूल्य प्रतिकित्ता १०० रुपैयाँ र छिमेक लघुवित्त वित्तीय संस्थाका लागि शेयरको न्यूनतम मूल्य प्रतिकित्ता ३९० रुपैयाँ तोकेको छ ।
शेयर खरिदका लागि बोलकबोल गर्दा प्रभु बैंक लिमिटेडको न्यूनतम १,००० कित्ताका लागि र छिमेक लघुवित्त वित्तीय संस्थाका लागि न्यूनतम ५०,००० कित्ताका लागि आवेदन दिनुपर्ने छ ।
आवेदन आगामी असार १० गतेभित्र बिक्री प्रबन्धक रहेको मुक्तिनाथ क्यापिटल लिमिटेडमा पेस गर्न सकिने छ । शेयर खरिद गर्न इच्छुक बोलपत्रदाताले अथवा सङ्घसंस्था, कम्पनी भएमा दर्ता प्रमाणपत्र, कर चुक्ता प्रमाणपत्र, शेयर खरिद गर्ने सम्बन्धमा सो संस्थाको सञ्चालक समितिको निर्णयको प्रतिलिपि र विगत दुई आर्थिक वर्षदेखि संस्था मुनाफामा रहेको प्रमाणित गर्ने कागजातसमेत आवेदन फारमका साथ संलग्न गर्नुपर्ने कम्पनीले जनाएको छ ।
FACEBOOK COMMENTS