काठमाडौंका यी तीन ठाउँमा हेर्न सकिनेछ नेपाल-बंगलादेशबीचको फाइनल खेलकाे लाइभ

काठमाडौं । नेपाल र बंगलादेशबीच आज हुने साफ महिला च्याम्पियनसिपको फाइनल खेलको लाइभ काठमाडौंका तीन ठाउँमा देखाइने भएको छ ।

काठमाडौं महानगरपालिकाले नेपाल र बंगलादेशबीच हुने फाइनल खेल टुँडिखेल, चाबहिल गणेशस्थान चौर र सानो गौचरणमा लाइभ देखाउने व्यवस्था गरेको हो ।

खेल साँझ साढे ६ बजेदेखि सुरू हुनेछ ।

सेमिफाइनलमा नेपालले भारतलाई र बंगलादेशले भुटानलाई हराएर फाइनल यात्रा तय गरेका हुन् ।