चुनाव प्रचारको र्‍यालीमा अमेरिकी पूर्वराष्ट्रपति डोनाल्ड ट्रम्पमाथि गोली प्रहार

काठमाडौं । चुनाव प्रचारको र्‍यालीमा सहभागी भएका अमेरिकी पूर्वराष्ट्रपति डोनाल्ड ट्रम्पमाथि गोली प्रहार भएको छ ।

अमेरिकाको पेन्सिल्भेनियाको बटलरमा ट्रम्पमाथि गोली प्रहार भएको बताइएको छ । पूर्व राष्ट्रपति ट्रम्पले आफूलाई मेरो दाहिने कानको माथिल्लो भागमा गोली लागेको र गोली लागेको बताएका छन् । चुनावी र्‍यालीलाई सम्बोधन गर्ने क्रममा उनीमाथि गोली प्रहार भएको हो ।

उनी अहिले सुरक्षित रहेको अन्तर्राष्ट्रिय सञ्चारमाध्यमहरुले जनाएका छन् । उनीमाथि गोली प्रहार गर्नेलाई जवाफी फायर गरेको र त्यस क्रममा मृत्यु भएको बताइएको छ । ट्रम्पको स्थानीय स्वास्थ्य संस्थामा उपचार गरिएको बताइएको छ ।