टीभीएसको दसैँ अफर : सामान नकिन्दै पाँच लाख र किनेपछि १० लाख रूपैयाँ जित्ने मौका

काठमाडौं । नेपालका लागि टीभीएसको आधिकारिक वितरक कम्पनी जगदम्बा मोटर्सले चाडपर्वलाई दृष्टिगत गर्दै ‘नयाँ युगको आरम्भ’ विशेष योजना सार्वजनिक गरेको छ ।

यो योजनाअन्तर्गत ग्राहकले टीभीएसको मोटरसाइकल र स्कुटर खरिद गर्दा रू. १० लाख सम्म जित्ने मौका प्राप्त गर्न सक्ने छन् ।

‘नयाँ युगको आरम्भ’ योजना अन्तर्गत टीभीएस नेपालको वेबसाइटमा गएर नकिन्दै पाँच लाख रूपैयाँसम्म जित्ने मौका र खरिद गरेपछि दश लाख रूपैयाँसम्म जित्ने मौका रहेको छ । हरेक सप्ताह १०० प्रतिशत क्यास ब्याक जित्ने अवसर पनि रहेको कम्पनीले जानकारी दिएको छ ।

कम्पनीले जीवनभरको लागि वारेन्टीका साथ पुरानो बाइक वा स्कुटरको सट्टामा अन द स्पट एक्सचेन्ज सुविधा, ग्यारेन्टर बिनाको इजी फाइनान्स उपलब्ध गराउने पनि बताएको छ । साथै, टीभीएसका ग्राहकहरूलाई एओजी र एनओजी समुदायमार्फत सदस्यताको नयाँ अनुभव पनि दिलाउँदै आएको छ ।

टीभीएसले ‘मेरो साथी’ एपमार्फत बुकिङ सेवाहरू, स्पेयर पार्ट्स अर्डर गर्नेदेखि टीभीएससँग जोडिन र विशेष अफरहरू बारे सूचना प्रदान गर्ने सम्पूर्ण सुविधाहरू उपलब्ध गराउने जानकारी पनि दिएको छ ।

जगदम्बा मोटर्स प्रालि नेपालमा टीभीएसका दुई पांग्रे सवारी साधनका लागि एक मात्र आधिकारिक वितरक हो । कम्पनीको नेपालभर १४० भन्दा बढी डिलरहरूको बलियो राष्ट्रव्यापी वितरण सञ्जालका साथ टीभीएसले बजारमा आफ्नो मजबुत पकड राख्न तथा ग्राहकहरूको मनमस्तिष्कमा उच्च स्थान जमाउन सफल रहेको कम्पनीद्वारा जारी विज्ञप्तिमा उल्लेख छ ।

गुणस्तरीय उत्पादनहरू, बिक्रीपश्चातको उत्कृष्ट सेवा र देशभर जगेडा पार्टपुर्जाहरूको उपलब्धतामार्फत उपभोक्तालाई दिइएको उच्चतम सन्तुष्टिका कारण आज टीभीएस नेपालको सर्वाधिक रुचाइएको टू–ह्विलर ब्राण्डका रूपमा स्थापित भएको पनि कम्पनीले जनाएको छ ।

कम्पनीले ल्याएको नयाँ योजना सीमित समयका लागि मात्रै भएको उल्लेख गरेको छ ।