सुनको मूल्य सामान्य घट्दा चाँदीको स्थिर, कतिमा हुँदैछ किनबेच ?

काठमाडौं । नेपाली बजारमा आज (सोमबार) सुनको मूल्य सामान्य घटेको छ ।

अघिल्लो दिन आइतबार शुक्रबारको तुलनामा प्रतितोला आठ सय रूपैयाँले घटेर एक लाख ५७ हजार एक सय रूपैयाँमा किनबेच भएको सुन आज प्रतितोला थप एक सय रूपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ५७ हजार रूपैयाँमा किनबेच भइरहेको छ ।

यस्तै, आज चाँदीको मूल्य भने स्थिर छ । अघिल्लो दिन आइतबार प्रतितोला एक हजार आठ सय ६० रूपैयाँमा किनबेच भएको चाँदी आज पनि सोही मूल्यमा किनबेच भइरहेको हो ।