अमेरिका र चीनबीचको व्यापार युद्ध ‘अहिलेसम्मकै ठूलो’

काठमाण्डौं– अमेरिका र चीनबीचको व्यापार युद्ध उत्कर्षमा पुगेको छ ।

अमेरिकाले चीनियाँ वस्तुमा फेरी थप भन्सार लगाउने भएपछि यी दुईबीचको व्यापार उत्कर्षमा पुगेको हो ।

आमेरीकाको पछिल्लो निर्णय अनुसार अमेरिकाले झण्डै २ सय बिलियन डलर बराबरको चिनियाँ वस्तुमा कर लगाउँदैछ ।

चीनले जवाफमा ६० विलियन अमेरिकी डलर बराबरको अमेरिकी वस्तुमा अतिरिक्त कर लगाउने निर्णय गरेको छ ।

अमेरिकाको पछिल्लो कदमलाई चीनले इतिहासकै ठूलो व्यापार युद्धको संज्ञा दिएको छ ।

यो सहित अमेरिकाले चीनबाट आयात हुने झण्डै २५० विलियन डलर बराबरको वस्तुमा भन्सार बढाइसकेको छ । चीनियाँ वस्तुमा भन्सार बढाएको यो तेस्रो पटक हो ।

अब अमेरिकी कम्पनीहरुले चीनबाट निर्धारित वस्तु आयात गर्दा १० प्रतिशत अतिरिक्त लेबी तिर्नुपर्नेछ ।