डिशहोममा मनोरञ्जनात्मक कमेडी शो ‘कमेडी क्याफे’ सञ्चालनमा

काठमाडौं, चैत ३ –डिशहोमले आफ्ना ग्राहकहरुलाई थप मनोरञ्जन प्रदान गर्ने उद्देश्यले विलकुलै नयाँ र मोरञ्जनात्मक कमेडी शो ‘कमेडी क्याफे’ सञ्चालनमा ल्याएको छ । कार्यक्रम ‘कमेडी क्याफे’ २०७७ फागुन २२ गते देखी डिशहोमको रियालिटी टिभी च्यानल नंं. १०२ मा हरेक शनिबार बेलुकी ७ बजे प्रशारण भइरहेको छ ।

बिबिध मनोरञ्जनात्मक नेपाली चलचित्र, लोक दोहोरी र आधुनिक गीतसंगै फोन मार्फत सेलिव्रेटी, कलाकार र अन्य ब्यक्तिहरूलाई प्राङ्क कल गरी प्रस्तोताहरुले रमाइलो कुराकानी गर्नेछन् । हाँस्य टेलिशृङ्खलामा माने र रेन्बो सोल्टा नाम मार्फत परिचित कलाकार सुजित थापा क्षेत्री र राजु भुजेलले बिभिन्न चरित्र बनी फोन उठाउने ब्यतिलाई प्राङ्क गर्छन् । यस कार्यक्रम मार्फत डिशहोमका दर्शकले भरपुर मनोरञ्जन लिने विश्वास कम्पनीले लिएको छ ।