बुधबार देखी गाडिमा जाेरविजाेर प्रणाली लागू हुने , अटेर गरे जरिवाना

काठमाण्डौ – बिमस्टेक सम्मेलनको क्रममा आउने बुधबार, बिहीबार र शुक्रबार काठमाण्डौ उपत्यकाभित्र सवारी साधनमा जोरविजोर प्रणाली लागू गरिएको छ ।

ट्राफिक प्रहरी महाशाखाका अनुसार बिमस्टेक सम्मेलनमा नेपाल आउने सदस्य राष्टका प्रमुखहरुको आवागमनलाई सहज बनाउन जोरविजोर प्रणाली लागू गर्ने भएको हो ।

जसअनुसार बुधबार र शुक्रबार उपत्यकाभित्र विजोर नम्बरका सवारी मात्र कुदाउन पाइनेछ । बिहीबार भने जोर नम्बरका सवारी गुडाउन पाइनेछ ।

यी तीन दिन सबै खालका निजी र भाडाका सवारी साधनमा यो प्रणाली लागू हुने छ । कसैले अटेर गरि गाडि चलाए जरिवाना तिर्नु पर्ने छ ।