महासंघको निर्वाचन सम्पन्न, नतिजा राति १ बजे सम्म आईपुग्ने

काठमाडौं, मंसिर १३ – महासंघको निर्वाचन सम्पन्न भएको छ । मत परिमाण गणना अहिले ५:३० देखि हुने छ ।

बिहान आठ बजेदेखि भएको मतदान अपररान्ह ४ बजे सकिएको हो ।

महासंघको वरिष्ठ उपाध्यक्ष पदका लागि वर्तमान उपाध्यक्षद्वय चन्द्र ढकाल र किशोर प्रधान प्यानलसहित चुनावी मैदानमा छन् । अहिले वरिष्ठ उपाध्यक्षमा निर्वाचित व्यक्ति अर्को कार्यकालमा स्वतः अध्यक्ष बन्ने भएकाले महासंघको निर्वाचनमा वरिष्ठ उपाध्यक्ष पद सर्वाधिक महत्वपूर्ण मानिन्छ ।

महासंघको २ केन्द्रीय सदस्यमध्ये प्रदेश १ बाट राजेन्द्र राउत र द्विराष्ट्रिय उद्योग वाणिज्य संघबाट सन्दीप अग्रवाल निर्विरोध निर्वाचित भइसकेका छन् । बाँकी पदहरुमा चुनाव भएको हो ।

बेलुकी १ बजे सम्म मत परिमाणको नतिजा आईसक्ने महासंघका उपनिर्देशक बिदुर चन्द्र लामिछानेले जानकारी दिएका छन् ।