सोमबार, भदौ ८, २०८३
कर्पोरट खबर
10:25 am, सोमबार, भदौ ८, २०८३
काठमाडौं । एमएडब्लू वृद्धिले अल–न्यु दिपल निभो क्यू ०५ नेपाली बजारमा औपचारिक रूपमा सार्वजनिक गरेको छ।
कम्प्याक्ट इलेक्ट्रिक एसयूभीका रूपमा प्रस्तुत गरिएको क्यू ०५ ले कम्फर्ट, डिजाइन र प्रविधिमा ‘अ क्लास अबभ’ अनुभव प्रदान गर्ने लक्ष्य राखेको छ।
क्यू ०५ लाई एक भव्य समारोहबीच सार्वजनिक गरिएको हो। कार्यक्रममा एमएडब्लू वृद्धिका अध्यक्ष विष्ण् कुमार अग्रवाल, प्रबन्ध निर्देशक विवेक सिकारिया तथा चांगान इन्टरनेसनल कर्पोरेसनका दक्षिण एसिया क्षेत्रीय प्रबन्धक डु काइकियान (केभिन) लगायत विशिष्ट व्यक्तिहरूको उपस्थिति थियो।
क्यू ०५ को म्याक्स भेरियन्टलाई ४६ लाख ९९ हजार रुपैयाँ र अल्ट्रा भेरियन्टलाई ४९ लाख ९९ हजार रुपैयाँको विशेष मूल्यमा प्रस्तुत गरिएको छ। यी प्रारम्भिक मूल्य नाडा अटो शो अवधिभर मात्र लागू हुनेछन्। अटो शोपछि म्याक्स भेरियन्टको मूल्य ४८ लाख ९९ हजार रुपैयाँ र अल्ट्रा भेरियन्टको मूल्य ५१ लाख ९९ हजार रुपैयाँ कायम हुनेछ।
कम्फर्टमा ‘अ क्लास अबभ’
आधुनिक परिवारको आवश्यकतालाई ध्यानमा राखेर विकास गरिएको क्यू ०५ ले कम्प्याक्ट बाहिरी आकारभित्र फराकिलो र व्यवहारिक क्याबिन प्रदान गर्छ।
यसको आफ्नो वर्गमै अग्रणी २,७३५ मिमि लामो ह्विलबेस र ८६.६ प्रतिशत क्याबिन स्पेस उपयोगले यात्रुका लागि पर्याप्त ठाउँ उपलब्ध गराउँछ। पछाडिको सिटमा तीन जना वयस्कले सहज रूपमा यात्रा गर्न सक्ने व्यवस्था गरिएको छ।
पछाडिको सिटलाई २८ र ३३ डिग्री गरी दुई कोणमा रिक्लाइन गर्न सकिन्छ। सिटमा आरामदायी र प्रभावकारी सपोर्ट प्रदान गर्न नौ तहको एर्गोनोमिक संरचना प्रयोग गरिएको छ। क्यू ०५ मा ९० लिटरको लुकेको स्टोरेजसहित ५४० लिटर क्षमताको डुअल–लेभल बुट पनि उपलब्ध छ।
क्याबिनभर २९ वटासम्म व्यवहारिक स्टोरेज स्पेस राखिएका छन्। साथै, ६७ भन्दा बढी ध्वनि इन्सुलेसन तथा आवाज न्यूनीकरण बिन्दुले क्याबिनलाई शान्त बनाउन सहयोग गर्छन्। छनोट गरिएको भेरियन्टमा पावर सनसेडसहितको १.८ वर्गमिटर प्यानोरामिक ग्लास रुफसमेत उपलब्ध छ।
डिजाइनमा ‘अ क्लास अबभ’
क्यू ०५ लाई चांगानका ग्लोबल डिजाइन उपाध्यक्ष तथा फक्सवागन ग्रुपका पूर्व डिजाइन प्रमुख क्लाउस जेसियोराको नेतृत्वमा विकास गरिएको हो। यसको विकासमा ३१ देशका ९१५ भन्दा बढी डिजाइन विज्ञले योगदान दिएका छन्।
फुगुआङ डिजाइन दर्शनबाट प्रेरित क्यू ०५ मा सन्तुलित बडी अनुपात, आत्मविश्वासी सडक उपस्थिति र ०.२६५ सीडी ड्र्याग कोएफिसियन्ट भएको एरोडाइनामिक प्रोफाइल छ। सन् २०२६ को गोल्डेन ए’ डिजाइन अवार्ड विजेता क्यू ०५ मा डिजिटल विङ २.० फुल–विथ लाइटिङ सिग्नेचर, स्टार–रिङ म्याट्रिक्स एलईडी टेललाइट र प्रिमियम सेमी–हिडन डोर ह्यान्डल उपलब्ध छन्।
प्रविधिमा ‘अ क्लास अबभ’
क्यू ०५ मा चांगानको गोल्डेन शिल्ड ब्याट्री २.० प्रविधिसँग एकीकृत क्याटल ब्याट्री सेल प्रयोग गरिएको छ। यसको ३सी फास्ट चार्जिङ प्रणालीले उपयुक्त अवस्थामा ब्याट्रीलाई करिब १५ मिनेटमा ३० देखि ८० प्रतिशतसम्म चार्ज गर्न सक्छ।
यसमा जडान गरिएको १२० किलोवाटको इलेक्ट्रिक मोटरले गाडीलाई ८.१ सेकेन्डमा शून्यदेखि १०० किलोमिटर प्रतिघण्टाको गतिमा पुर्याउन सक्छ। क्यू ०५ ले डब्लूएलटीपी परीक्षणअनुसार ४०५ किलोमिटरको दाबी गरिएको रेन्ज प्रदान गर्छ। यसको ऊर्जा खपत प्रतिएक सय किलोमिटर १२.९ किलोवाट–घण्टा उल्लेख गरिएको छ।
‘एम्बासडर्स अफ दिपल’ घोषणा
कार्यक्रममा एमएडब्लू वृद्धिले ‘एम्बासडर्स अफ दिपल’ समेत घोषणा गरेको छ।
यसअन्तर्गत दिपलका ब्रान्ड एम्बासडर पारस खड्कासहित अनुपविक्रम शाही, प्रदीप खड्का, श्वेता खड्का, आना शर्मा, जसिता गुरुङ, स्वप्नसुमन, ज्योत्सना योगी र मिरुना मगरलाई समेटिएको छ।
उनीहरू चर्चित तथा विश्वासिला व्यक्तित्व हुनुका साथैदिपल सवारीका वास्तविक प्रयोगकर्तासमेत हुन्। एमएडब्लू वृद्धिका अध्यक्ष विष्णु कुमार अग्रवालले उनीहरूलाईसम्मान गरेका थिए।
नौ महिनाभित्र एक लाखभन्दा बढी सञ्चित बिक्री र चीनको कम्प्याक्ट एसयूभी बिक्रीमा लगातार चार महिनाकोअग्रस्थानसहित दिपल निभो क्यू ०५ बलियो अन्तर्राष्ट्रिय उपलब्धिका साथ नेपाल प्रवेश गरेको छ। यसले नेपालीग्राहकलाई वास्तविक अर्थमा ‘अ क्लास अबभ’ स्वामित्व अनुभव प्रदान गर्ने प्रतिबद्धता बोकेको छ।
