मंगलबार ५ सय संक्रमित थपिँदा १ जनाको मृत्यु

काठमाडौं । पछिल्लो २४ घण्टामा मंगलबार थप ५३३ जना कोरोनाभाइरस संक्रमित थपिएका छन् । स्वास्थ्य तथा जनसंख्या मन्त्रालयका अनुसार १४ हजार ९१८ जनाको पीसीआर परीक्षण गर्दा ४४३ जना र १ हजार ८१८ जनाको एन्टिजेन परीक्षण गर्दा ९० जना गरी ५३३ जनामा कोरोनाभाइरस संक्रमण देखिएको छ ।

सोही अवधिमा कोरोना संक्रमणबाट १ जनाको मृत्यु भएको छ भने ४८४ जना संक्रमणमुक्त भएका छन् । गत २४ घण्टामा ४३ हजार ३८० जनाले कोरोनाभाइरस विरुद्धको खोप लगाएका छन् ।

हाल देशभर सक्रिय संक्रमितको संख्या ७ हजार ६१२ जना छन् । नेपालमा कोरोनाभाइरस संक्रमितको कुल संख्या ९ लाख भन्दा बढी पुगेको छ भने मृत्यु हुनेको संख्या ११ हजार ४५४ पुगेको छ । यस्तै कूल ७ लाख ९६ हजार ३०६ जना संक्रमणमुक्त भएको मन्त्रालयले जनाएको छ ।