डेढ लाख घुस लिँदालिँदै दुई वडा सदस्य पक्राउ

पोखरा कार्तिक २९, काम मिलाइदिन्छु भन्दै सेवाग्राहीसँग एक लाख ५० हजार रुपैयाँ घुस लिँदालिँदै सोमबार दुई जना वडा सदस्यहरु सर्लाहीमा पक्राउ परेका छन् । सेवाग्राहीसँग घुस लिएको आरोपमा सर्लाहीको ईश्वरपुर नगरपालिका–११ का वडा सदस्यद्वय सोनेलाल साह र उमेश राय पक्राउ परेका छन् । अख्तियार दुरुपयोग अनुसन्धान आयोग बर्दिवासको टोलीले वडा सदस्यद्वयलाई लालबन्दी नगरपालिका–७ स्थित कृष्ण इन्टरप्राइजेजबाट सोमबार नियन्त्रणमा लिएको हो ।

काम मिलाइदिन्छु भन्दै एक लाख ५० हजार रुपैयाँ घुस लिएपछि उनीहरूलाई नियन्त्रणमा लिएर अनुसन्धान सुरु गरिएको अख्तियारले जनाएको छ ।