४५ जिल्लाको नतिजा आउँदा देउवा पक्ष अगाडि

काठमाडौं । नेपाली कांग्रेसको १४ औं महाधिवेशन अन्तर्गत जिल्ला अधिवेशनहरुको परिणाम आउने क्रम जारी रहेको छ । शेरबहादुर देउवानिकट २२ जना सभापतिहरू निर्वाचित भएका छन् भने हालसम्म ४५ जिल्लाका सभापतिहरूको नतिजा आएको छ ।

वरिष्ठ नेता रामचन्द्र पौडेलले नेतृत्व गरेको संस्थापनइतर समूहले २० जिल्लामा सभापति जितेको छ भने पूर्वमहामन्त्री कृष्णप्रसाद सिटौलानिकट एकजना जिल्ला सभापतिमा निर्वाचित भएका छन् ।

सर्वसम्मतरूपमा सभापति बनेका २ जिल्ला सभापतिले आफ्नो पक्षधरता खुलाएका छैनन् ।