छिन्नमस्ता गाउँपालिकाका अध्यक्ष र उपाध्यक्षबीच कुटाकुट

काठमाडौँ– सप्तरीको छिन्नमस्ता गाउँपालिकाका अध्यक्ष सूर्यनारायण मण्डल र उपाध्यक्ष उषाकुमारी मण्डलबीच गाउँपालिकाको कार्यालयमै कुटाकुट भएको छ । गहुँको विषयमा छलफल चलिरहँदा अध्यक्ष सूर्यरानायणले उपाध्यक्ष उषाकुमारीलाई गालीगलोच गरेपछि कुटाकुट भएको हो।

गहुँको बिउँ वितरण गर्ने विषयमा अध्यक्ष सूर्यनारायणले आफूखुशी निर्णय गराउन लागेपछि उपाध्यक्ष उषाकुमारीले विरोध जनाएकी थिइन् । त्यसपछि अध्यक्षले उपाध्यक्षलाई झम्टेको र उपाध्यक्षले कुर्सीले प्रहार गरेकी थिइन् । कुर्सीले लागेर अध्यक्ष सूर्यनारायणका अगाडिका दुईवटा दाँच भाँचिएका छन् ।

अध्यक्ष र उपाध्यक्षबीच कुटाकुट हुँदा उपाध्यक्षको हातमा चुरा फुटेर चोट लागेको छ । अध्यक्ष राजपाका हुन् भने उपाध्यक्ष लोसपाकी हुन् ।