कारागारमा साथी भेट्न गएका युवक लागुऔषधसहित पक्राउ

धनगढी। कैलाली कारागारबाट लागुऔषधसहित एक जना पक्राउ परेका छन् । सोमबार जिल्ला कारागारमा अभियुक्तलाई भेट्न पुगेका युवकलाई लागुऔषधसहित पक्राउ गरिएको प्रहरीले जनाएको छ । एक सय ८० मिलिग्राम खैरो हिरोइन बरामद गरिएको छ ।

जिल्ला प्रहरी कार्यालयका अनुसार लागुऔषध मुद्दामा अनुसन्धानका लागि हिरासतमा राखिएका सिद्धार्थ बडेलालाई भेट्न गएका धनगढी उपमहानगरपालिका–४ का उत्तम सिंहलाई लागुऔषधसहित पक्राउ गरिएको हो ।

सिंहविरुद्ध लागुऔषध मुद्दा दर्ता गरेर थप अनुसन्धान भइरहेको प्रहरीले जनाएको छ ।