५० जना माग गरेकोमा २६ जनाको मात्रै आवेदन

काठमाडौं – राष्ट्रिय ध्वजाबाहक नेपाल वायुसेवा निगमले रिक्त पाइलटको पदपूर्ति गर्न ५० जना माग गरेकोमा २६ जनाको मात्रै आवेदन परेको छ।

निगमले क्याप्टेन, जुनियर क्याप्टेन, सिनियर को–पाइलट र जुनियर को–पाइलटमा फागुन १० गते विज्ञापन खुलाएको थियो।

आवेदनको अन्तिम मितिसम्ममा मागको ५२ प्रतिशत मात्रै आवेदन परेको निगमले जानकारी दिएको छ।

निगममा भन्दा निजी एअरलाइन्स कम्पनीमा राम्रो सुविधा पाइने भएकाले आवेदन कम परेको हुन सक्ने अनुमान गरिएको छ।

निगम सहप्रवक्ता नवराज कोइरालाका अनुसार निगमले १३ जना सिनियर क्याप्टेन माग गरेको थियो।

यो पदमा मागको तुलनामा अत्यन्तै कम संख्याले मात्रै आवेदन दिएका छन्।

माग १३ जना गरिए पनि आवेदन एकजनाले मात्रै दिएको कोइरालाले जनाकारी दिए।

त्यसैगरी, १५ जना जुनियर क्याप्टेन माग गरेकामा तीनजनाको मात्रै आवेदन परेको छ।

– नागरीक