बेहुली लिन गएका बेहुला हिरासतमा

काठमाडौं । बेहुली लिएर घरमा आउनुपर्ने बेहुला प्रहरी हिरासतमा पुगेका छन् । खबर सुन्दा अपत्यार लाग्दो छ तर, साँचो हो। घटना विदेशतिरको पनि होइन् नेपालकै हो। नेपालको पूर्वी जिल्ला झापाको बेहुली लिएर घर फर्किनु पर्ने बहुला प्रहरीको हिरासतमा पुगेका हुन।

झापाका डेभिड चौधरी बेहुली लिन शुक्रबार मेचीनगर १५ मा रहेको पुष्पलाल राजशंशीको घर पुग्छन्। जन्तीसहित उनको घर पुगेका चौधरीलाई बेहुली भन्दा बढी प्राथमिकतामा मोटरसाइकल पर्छ। उनले दाइजोमा मोटरसाइकल नदिए बेहुली पनि नलिने अडान राख्छन्।

दाइजो नपाएसम्म बेहुली पनि नलिने बेहुला चौधरीको अडानका बारेमा प्रहरीलाई जानकारी हुन्छ। प्रहरीले तत्काल बेहुलालाई हिरासतमा लान्छ र उनलाई दाइजोसम्बन्धी कसूर गरेकाे भन्दै अनुसन्धामा राखेको प्रहरीले जनाएकाे छ।