राजकुमार चार्ल्सकाे परोपकारी संस्थालाई लादेन परिवारको १ मिलियन पाउन्ड दान

लन्डन । बेलायती राजगद्दीका उत्तराधिकारी प्रिन्स चार्ल्सले सेप्टेम्बर ११ का मास्टरमाइन्ड ओसामा बिन लादेनको परिवारबाट आफ्नो परोपकारी ट्रस्टलाई १ मिलियन पाउन्ड दान स्वीकार गरेको द सन्डे टाइम्सले रिपोर्ट गरेको छ ।

साउदी परिवारका सदस्यहरूले कुनै गल्ती नगरेको बताए पनि दान स्वीकार गरेसँगै ७३ वर्षीय राजकुमारको परोपकारी संस्थाले गल्ती गरेको आरोप लागेको छ ।

उनका धेरै सल्लाहकारहरूले चार्ल्सलाई बकर बिन लादेन र उनका भाइ साफिकबाट सफिकबाट चन्दा नलिन आग्रह गरेका थिए । ती दुबै जना ओसामा बिन लादेनका सौतेला भाइ हुन् । सन् २०१३ मा लन्डनको क्लेरेन्स हाउसमा ७६ वर्षीय बकरसँगको भेटपछि ७३ वर्षीय चार्ल्सकाे प्रिन्स अफ वेल्स च्यारिटेबल फण्ड (पीडब्लूसीएफ)लाई चन्दा लिन सहमति जनाएका थिए । उक्त विषयमा ट्रस्ट र उनको कार्यालयका सल्लाहकारहरूको आपत्तिको जनाएको उक्त पेपरले जनाएकाे थियाे ।