इपानका उपाध्यक्ष कार्कीलाई युरोपियन इन्टरनेशनल विश्वविद्यालयद्धारा मानार्थ विद्यावारिधि प्रदान

काठमाडौं । नेपालका लागि मोरिसका महावाणिज्यदुत एवं स्वतन्त्र ऊर्जा उत्पादकहरुको संस्था (इपान) का उपाध्यक्ष गणेश कार्कीले मानार्थ विद्यावारिधि पाएका छन्।

उनले युरोपियन इन्टरनेशनल विश्वविद्यालयबाट मानार्थ विद्यावारिधि पाएका हुन् । उक्त युनिभर्सिटीले कार्कीलाई ‘ग्लोबल लिडरसिप इन बिजनेश म्यानेजमेन्ट’मा विद्यावारिधि प्रदान गरेको जनाइएकाे छ।

मलेसियाकी राजकुमारी डा. रोमना मुराडको प्रमुख आतिथ्यतामा भएको कार्यक्रममा कार्कीले नेपालको सामाजिक र आर्थिक क्षेत्रमा ठुलो योगदान पुर्याएको भन्दै सो डक्टर अवार्ड प्रदान गरीएको हो ।

३० देशका एकसय पचास भन्दा बढी विशिष्ट व्याक्तिहरुको उपस्थिति रहेको सो कार्यक्रममा कार्की सहित ५५ जनालाई विभिन्न विधामा मानार्थ ‘विद्यावारिधि’बाट दिक्षित गरीएको थियो। कार्यक्रममा विश्वविद्यालयका तर्फबाट डा. इरवार्ड रोय कृष्णन, संस्थापक तथा महानिर्देशक डा. इडवार्ड रोय कृष्णन, व्यवस्थापन प्रमुख रोबर्ट ब्राण्डको उपस्थिति रहेको थियो । मिस एसिया रश्मि ठाकुरको समेत उपस्थिति रहेको समारोहमा विभिन्न क्षेत्रमा अध्ययन अनुसन्धान गरी पिएचडी उपाधि हासिल गर्ने १० जना र एमबिए उपाधि पाउने ४५ जना विद्यार्थी दिक्षित भएका थिए ।

यस्तै, कार्यक्रममा युरोपियन इन्टरनेशनल युनिभर्सिटीका डा. एर्वर्ड रोय कृष्णन, संस्थापक तथा महानिर्देशक डा. एडवर्ड रोय कृष्णनको बिशेष उपस्थिति रहेको थियो । युरोपियन इन्टरनेशनल युनिभर्सिटी फ्रान्सको चर्चित विश्वविद्यालय हो ।