बढ्यो कोरोना संक्रमण, आज थपिए ७ सय ६० जना संक्रमित

काठमाडौं । नेपालमा पछिल्लो २४ घण्टामा थप ७ सय ६० जनामा कोरोना भाइरसको संक्रमण पुष्टि भएको छ ।

बितेको २४ घण्टामा देशभर २ हजार ५८९ जनामा आरटी–पीसीआर गर्दा ४ सय ९४ जना र ३ हजार ३३७ जनाको एन्टिजेन परीक्षण गर्दा २ सय ६६ जना गरी आज ७६० जनामा संक्रमण पुष्टि भएको हो ।

नेपालमा पछिल्लो २४ घण्टामा कोरोना भाइरस संक्रमणका कारण १ जनाको मृत्यु भएको छ । यो सँगै नेपालमा कोरोना भाइरसको संक्रमणका कारण ज्यान गुमाउनेको संख्या ११ हजार ९६९ जना पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ सय २४ जना संक्रमित निको भएका छन् । यो सँगै नेपालमा कोरोना भाइरसबाट संक्रमणमुक्त हुनेको संख्या ९ लाख ७१ हजार २५० जना पुगेको छ । यो कुल संक्रमितको ९८.२ प्रतिशत हो ।

हाल देशभर सक्रिय संक्रमितको संख्या ५ हजार ६०२ रहेको छ। मन्त्रालयका अनुसार हालसम्म नेपालमा कोही पनि क्वारेन्टिनमा छैन् ।