नेपाल आर्थिक पत्रकार समाजको अध्यक्षमा भीम गौतम

काठमाडौं – नेपाल आर्थिक पत्रकार समाजको अध्यक्षमा भीम गौतम दुई बर्षे कार्यकालको लागि निर्वाचित भएका छन् ।

प्रतिस्पर्धी मोदनाथ ढकाललाई १० मतले पछि पार्दै गौतम अध्यक्षमा निर्वाचित भएका हुन् । मोदनाथ ढकाल द राईजिङ नेपालमा आवद्ध छन् भने गौतम कारोबार दैनिकमा रहेका छन् । गौतमले १२० मत ल्याएर विजयी हुँदा ढकालले ११० मत ल्याएका थिए ।

त्यस्तै उपाध्यक्षमा कारोबार दैनिककी सरस्वती ढकाल र विष्णु वेल्वासेले समान ८३÷८३ मत ल्याएपछि गरिएको गोलाप्रथाबाट ढकाल चयन भएकी छन् ।

त्यस्तै महासचिवमा क्यापिटल नेपालका सुजन ओली, सचिवमा नयाँ पत्रिकाका कृष्ण रिजाल निर्वाचित हुँदा इमेज च्यानलका हिमाल पौडेल कोषाध्यक्षमा निर्विरोध निर्वाचित भएका छन् ।

त्यस्तै सदस्यहरुमा भने अन्नपूर्ण पोष्ट दैनिकका विजय वञ्जाडे, नयाँ पत्रिका दैनिककी मुना कुँवर, आर्थिक अभियान दैनिककी हिमा विक, क्यापिटल नेपालकी कमला अर्याल र दि हिमालय टाइम्सका सुजन ढुंगाना निर्वाचित भएका छन् ।