अझै १ करोड ५४ लाख रुपैयाँ नोक्सानमा मध्य भोटेकोशी जलविद्युत

काठमाडौं । मध्य भोटेकोशी जलविद्युत कम्पनी गत आर्थिक वर्षको चौथो त्रैमाससम्ममा १ करोड ५४ लाख रुपैयाँ नोक्सानमा रहेकाे छ ।

अघिल्लो वर्षको यसै अवधिको तुलनामा भने नोक्सान कम भएको हो । अघिल्लो वर्ष मध्य भोटेकोशी जलविद्युत ३ करोड ४७ लाख रुपैयाँ नोक्सानमा थियो । कम्पनीले ५ करोड ७६ लाख रुपैयाँ ब्याज आम्दानी गरे पनि प्रशासनिक खर्चका कारण सञ्चालन नोक्सान ७ करोड ३१ लाख रुपैयाँ पुगेको हाे ।

हाल मध्य भोटेकोशीको चुक्ता पुँजी ६ अर्ब रुपैयाँ रहेकाे छ । रिजर्भ कोष ३० करोड २७ लाख रुपैयाँ ऋणात्मक रहेको छ । यो कम्पनी चौथो त्रैमाससम्म प्रतिसेयर २६ पैसा नोक्सानमा छ । यसको प्रतिसेयर नेटवर्थ पनि ९४ रुपैयाँ ९५ पैसा रहेको छ । कम्पनीले सिन्धुपाल्चोक जिल्लामा पर्ने भोटेकोशी नदीको पानी प्रयोग गरी १०२ मेगावाट क्षमताको जलविद्युत आयोजना निर्माण गरिरहेको छ ।