ल्यायो एनसेलले ‘फुच्चे प्याक’

काठमाण्डौं – एनसेल प्राइभेट लिमिटेडले डेटा सेवा अन्तर्गत ‘फुच्चे प्याक’ ल्याएको छ।

ग्राहकले यो प्याक अन्तर्गत कर बाहेक मात्र ५ (करसहित ६.३८) मा २५ एमबि डेटा भोलुम लिन सक्नेछन्।

फुच्चे डेटा प्याक आइतबारदेखि लागु हुनेछ।

डेटा प्याक अन्तर्गतको २५ एमबी डेटा ग्राहकले एनसेलको कुनै पनि नेटर्वक टुजी, थ्रीजी तथा फोरजीमा बिहान ५ देखि बेलुका ५ बजेसम्म प्रयोग गर्न सक्नेछन्।

ग्राहकले आफ्नो म्यासेज बक्समा ५ (अंग्रेजी अंक पाँच) टाइप गरी १७१२३ मा एसएमएस पठाइ फुच्चे प्याक सुचारु गर्न सक्नेछन्।

यो डेटा प्याक सुचारु भएको दिन देखि ९० दिनको लागि मान्य रहने एनसेलले जनाएको छ।

– अन्नपूर्ण