बुधबार बढ्याे सुनकाे भाउ, कतिमा हुँदैछ काराेबार ?

काठमाण्डौँ । सुनचाँदी बजारमा आज बुधबार छापावाल सुनको मूल्य अघिल्लो कारोबार दिनका तुलनामा प्रतितोला रु २ सयले बढेकाे छ ।

अघिल्लो दिन प्रतितोला रु ९७ हजार ४ सयमा कारोबार भएको सुनको मूल्य आज प्रतितोला रु ९७ हजार ६ सय तोकिएको छ ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु ९७ हजार १ सय रूपैयाँ छ ।

यसको मूल्य अघिल्लो दिन प्रतितोला रु ९६ हजार ९ सय थियो ।

त्यस्तै आज चाँदीको मूल्य बढेकाे छ। यस दिन चाँदी प्रतितोला रु ५ ले बढेर रु एक हजार दुई सय ९० रूपैयाँमा काराेबार भइरहेकाे छ।

महासङ्घले अन्तरराष्ट्रिय बजारको सुन तथा चाँदीका कारोबार मूल्यका आधारमा यहाँ दैनिक मूल्य तोक्दै आएको छ ।