उपसभामुख रानाद्वारा पदबहाली ग्रहण

काठमाडौं । नवनिर्वाचित उपसभामुख इन्दिरा रानाले पदबहाली गरेकी छिन् ।

राष्ट्रपति कार्यालय शीतल निवासमा पद तथा गोपनीयताको शपथ लिएपछि उनले सिंहदरबार आएर पदबहाली गरेकी हुन् । उनलाई संसद् सचिवलयका महासचिव डा. भरतराज गौतम, सचिवहरू र सचिवालयका कर्मचारीले स्वागत गरे ।

उनी माघ ७ गते प्रतिनिधिसभाको बैठकमा भएको निर्वाचनबाट उपसभामुखमा चयन भएकी हुन् ।

यसअघि राष्ट्रपति विद्यादेवी भण्डारीको समुपस्थितिमा प्रतिनिधिसभाका सभामुख देवराज घिमिमरेसमक्ष प्रतिनिधिसभाका नवनिर्वाचित उपसभामुख रानाले पद तथा गोपनीयताको शपथ लिएकी हुन् ।

राष्ट्रपति कार्यालयमा आयोजना गरेको समारोहका बीच सभामुख घिमिरेसमक्ष उपसभामुख रानाले पद तथा गोपनीयताको शपथ लिए ।

राष्ट्रिय स्वतन्त्र पार्टीबाट उपसभामुखको राना शनिबार निर्वाचित भइन् । उपसभामुख भएपछि उनी पार्टीबाट अलग भएकी छिन् ।