बेकोले ल्यायो नयाँ वर्ष योजना, कुन सामान खरिदमा के उपहार?

काठमाडौँ । युरोपेली इलेक्ट्रोनिक्स ब्राण्ड बेकोले नयाँ वर्ष २०८० लाई लक्षित गर्दै नयाँ वर्षको उमंग, मनाऔँ बेकोसँग नामक योजना ल्याएको छ।

योजनाअन्तर्गत बेको ब्राण्डका कुनै पनि सामानको खरिदमा आकर्षक उपहारहरु प्राप्त गर्न सकिने कम्पनीले जनाएको छ। यसअनुसार वासिङ मेसिन र वासर ड्राएरको खरिदमा ६ के.जी.को एरिएल म्याटिक वाशिङ पाउडर उपहार पाइनेछ भने डिसवासरको खरिदमा २ प्याकेट फोर्चुन डिसवासर ट्याब्लेट उपहार पाइने कम्पनीले जनाएको छ।

कम्पनीका अनुसार यसबाहेक सिंगल डोर रेफ्रिजेरेटरमा आइरन, डबल डोर रेफ्रिजेरेटरमा राइस कुकर र मल्टी डोर रेफ्रिजीरेटरमा एअर फ्राएर उपहार पाइन्छ भने कुकिङ रेन्ज (फ्रि स्टान्डिङ ओवन) को खरिदमा फ्राइ प्यान र एअर कन्डिसनर को खरिदमा ४ हजार रुपैयाँ बराबरको फ्रि इन्स्ट्लेसन पाइन्छ।

उक्त योजना चैत १५ देखि सीमित अवधिका लागि लागू गरिएको छ ।

बेको ब्राण्डको आधिकारिक बिक्रेता चौधरी ग्रुपको सिजी इलेक्ट्रोनिक्सअन्तर्गत सिजी इओएल छ।

कम्पनीका सिजी डिजिटल शोरुमहरु काठमाडौं भित्र टङ्गाल, कुमारीपाटी, भक्तपुर राधे राधे, गत्थाघर, कीर्तिपुर, रविभवन, हातिगौडा, त्रिपुरेश्वर, नयाँ बजार, बसुन्धारा, जोरपाटी र काठमाडौं बाहिर पोखरा, इटहरी, हेटौंडा, भरतपुरमा रहेका छन् ।