८ महिनाको अवधिमा ७४१ जना विदेशीले नेपालमा श्रम स्वीकृति

काठमाडौं– आर्थिक सर्वेक्षण २०७९/८० अनुसार यस वर्षकाे फागुनसम्मकाे अवधिमा ७४१ जना विदेशीले नेपालमा श्रम स्वीकृति पाएका छन् ।

यस अवधिमा ७९५ जना विदेशीको श्रम स्वीकृति नवीकरण भएको छ । आर्थिक वर्ष २०७८र७९ को एक वर्षको अवधिमा कुल ९५० जनाले नयाँ श्रम स्वीकृति लिएका थिए । २०७७/७८ मा यो संख्या १०९० थियो । २०७४/७५ मा १ हजार ६०८ जनाले नयाँ श्रम स्वीकृति लिएको तथ्यांकले देखाएको छ । श्रम स्वीकृति नवीकरण आर्थिक २०७७/७८ मा १३ सय जनाले गरेको तथ्यांक छ ।