फेरी बढ्यो सुनको भाउ, कतिमा हुदैंछ कारोबार ?

काठमाडौं,माघ २४- नेपाली बजारमा शुक्रबार सुनचाँदीको मूल्य बढेको छ । बुधबार प्रतितोला ८ सयले घटेको सुन शुक्रबार पुन तोलामा ४ सय रुपैंयाँले बढेको छ ।

विहीबार प्रतितोला ७५ हजार २ सय रुपियाँमा कारोबार भएको सुन शुक्रबार ४ सय रुपैंयाँले बढेर प्रतितोला७५ हजार ६ सय रुपैयाँमा कारोबार भइरहेको नेपाल सुनचाँदी व्यावसायी महासंघले जनाएको छ ।

त्यसै गरी विहीबार ७४ हजार ९ सय रुपियाँमा कारोबार भएको तेजावी सुन आज ७५ हजार ३ सय रुपियाँमा कारोबार भइरहेको महासंघले जनाएको छ । चाँदी आज प्रतितोला ८ सय ८५ रुपैयाँमा कारोबार भइरहेको छ ।