प्रतिष्ठित दुई सम्मान पाएको हिमालयन एभरेष्टले इन्डियन चेम्बर अफ कमर्शलाई दियो धन्यवाद

काठमाडौं । हिमालयन एभरेष्ट इन्स्योरेन्स कम्पनीलाई ‘इमर्जिङ एशिया इन्स्योरेन्स कन्केभ’ मा विभिन्न दुई वटा विधाबाट एकसाथ सम्मान गरिएको छ ।

यही मंसिर ७ गते भारतमा इण्डियन चेम्बर अफ कमर्शले आयोजना गरेको चौथो आइसीसी इमर्जिङ एशिया इन्स्योरेन्स कन्क्लेभ विमस्टेक राष्ट्रका जीवन तथा निर्जीवन बीमा कम्पनीहरुमध्ये उत्कृष्ट कम्पनीहरुलाई भारत (मुम्बई) को ताज ल्याण्ड इन्ड होटेलमा एक भव्य समारोहकाबीच सम्मान गरेको हो ।

समारोहमा विगत ३० वर्षदेखि निर्जीवन बीमा सेवा प्रदान गर्दै आइरहेको हिमालयन एभरेष्ट इन्स्योरेन्सलाई ‘बेस्ट माइक्रो इन्स्युअर–नेपाल’ र ‘मस्ट इफेक्टिभ अडप्सन अफ टेक्नोलोजी–नेपाल’ गरी दुई विधामा सम्मान गरिएको थियो । कम्पनीका प्रमुख कार्यकारी अधिकृत (सीईओ) विजय बहादुर शाहलाई उक्त अवार्ड हस्तान्तरण गरिएको थियो ।

विश्वमै प्रतिष्ठित परामर्शदाता पीडब्ल्यूसीले एशियामा उदयीमान बीमा कम्पनीहरुको कार्य सम्पादन, व्यवसाय विस्तार, प्रविधिको प्रयोग आदि विधाहरुमा स्वतन्त्र मूल्याङ्कन गरेको आधारमा विभिन्न कम्पनीहरुलाई पुरस्कृत गरिएकोमा कम्पनीले माइक्रो इन्स्युअर नेपाल क्षेत्रमा गरेको सेवा प्रवाह र त्यस्को प्रभावकारीतालाई मूल्याङ्कन गर्दै ‘मस्ट इफेक्टिभ अडप्सन अफ टेक्नोलोजी–नेपाल’ र प्रविधिको प्रयोगले बीमा सेवा सहजता साथ उपलब्ध गराउँदै प्रभावकारी ढंगबाट पहुँच अभिवृद्धि गर्दै लगेकोले ‘बेस्ट माइक्रो इन्स्युअर–नेपाल’ पुरस्कार प्रदान गरिएको कम्पनीले जनाएको छ ।

साथै, उक्त पुरस्कार र सम्मानका लागि कम्पनीले धन्यवाद पनि ज्ञापन गरेको छ । उपरोक्त समारोहमा कम्पनीका प्रमुख कार्यकारी अधिकृत शाहले विशिष्ट अतिथिका हैसियतले सम्बोधन समेत गरेको कम्पनीले जनाएको छ ।