अमेरिकाको विश्वविद्यालयमा अध्ययनरत भारतीय विद्यार्थीको मृत्यु

काठमाडौं । आइतबारदेखि बेपत्ता अमेरिकाको इन्डियानास्थित पर्ड्यु विश्वविद्यालयमा डबल मेजर अध्ययनरत भारतीय विद्यार्थीको मृत्यु भएको पुष्टि भएको छ।

विश्वविद्यालयले विद्यार्थी नील आचार्यको मृत्यु भएको जानकारी दिएको हो ।

विश्वविद्यालयको कम्प्युटर विज्ञान विभागका अन्तरिम प्रमुख क्रिस क्लिफ्टनले सोमबार विभागलाई पठाएको इमेलमा भनेका छन्, ‘यो अत्यन्तै दु:खका साथ हाम्रा एक विद्यार्थी नील आचार्यको निधन भएको जानकारी गराउँछु। उनको निधनमा कम्प्युटर विज्ञान विभागले गहिरो दु:ख व्यक्त गरेको छ। हामी धेरै दुखी छौँ ।’

प्रहरीले मौरिस जे. जुक्रो ल्याबबाहिर एक युवकको शव फेला परेको र स्वास्थ्य परीक्षणपछि शव नील आचार्यको भएको पुष्टि भएको हो ।