एमाले महासचिव पोखरेल सवार गाडी दुर्घटना

काठमाडौं । नेकपा (एमाले) का महासचिव शंकर पोखरेल सवार गाडी दुर्घटना भएको छ ।

दैलेखको पार्टी कार्यक्रमका लागि जाने क्रममा महासचिव सवार गाडी सडकमै पल्टिएको हो । दैलेखको डुङ्गेश्वर गाउँपालिकाको चुप्रा बजार नजिकै जंगलमा म १ च ३६९ नम्बरको स्कोरपियो पल्टिएको हो ।

घटना भने हिजो शनिबारको हो । दुर्घटनाको तस्बिर भने आज उपमहाचिव विष्णु रिमालले सार्वजनिक गरेका हुन् । रिमालले आइतबार एउटा अकल्पनीय क्षति हुनबाट जोगिएको भयानक दुर्घटना भन्दै दुर्घटनाको तस्बिर सार्वजनिक गरेका छन्।

दुर्घटनामा एमाले कर्णाली प्रदेशकी उपचसिव पद्मा खड्काको हातमा भने चोट लागेको छ । उनको हातमा प्लास्टर गरिएको छ ।