सन्दीपको पुनरावेदनमाथि चैत १२ मा पहिलो तारिख

काठमाडौँ । क्रिकेटर सन्दीप लामिछानेले जिल्ला अदालतको फैसलाविरुद्ध उच्च अदालत पाटनमा पुनरावेदन दिएका छन् । उनले बिहीबार दिएको पुर्नरानिवेदन निवेदन दर्ता गर्दै उच्च अदालतले उनलाई थुनाबाहिरै रहेर मुद्दा लड्न सुविधा दिएको हो।

सन्दीपले जिल्ला अदालतको फैसला बदरको माग गर्दै पुनरावेदन दिएका हुन् । बलात्कारको मुद्दामा सन्दीपलाई जिल्ला अदालत काठमाडौंले दोषी ठहर्याउँदै ८ वर्षको जेल सजाय सुनाएको थियो ।

निवेदन दर्तापछि सन्दीपलाई चैत १२ गते पहिलो तारेखका लागि बोलाइएको छ ।