एउटा बैंक बिग्रदाँ सिंगो सिष्टम नै बिग्रन्छ: गभर्नर अधिकारी

काठमाडौँ । नेपाल राष्ट्र बैंकका गभर्नर महाप्रसाद अधिकारीले नेपाल बैंकहरुलाई ढल्न नदिने बताए । बैंकिङ्ग क्षेत्रको समस्या र आगामी बाटो विषयक अन्तरक्रिया कार्यक्रममा गभर्नर अधिकारीले यस्तो बताएका हुन् ।

गभर्नर महाप्रसाद अधिकारीले भने, ‘नियमनकारी निकायमाथि निक्कै प्रहार भयो । राष्ट्र बैंकले बैंकहरुलाई हेरिरहेको छ, नेपालका बैंक डुब्ने अवस्थामा छैनन् । हामीले बैंक ढल्न दिँदैनौं ।’

उनले नेपाली बैंकहरुलाई राष्ट्र बैंकले नियमन गरिरहेकोले पनि यस्तो अवस्था आउन नदिने बताए । नेपालका बैंकहरु सहज अवस्थामा रहेकाले नडुब्ने उनको भनाई छ ।

‘कुनै पनि एउटा बैंक बिग्रदाँ सिंगो सिष्टम नै बिग्रन्छ । एउटा बैंक बिग्रनु भनेको स्टम नै बिग्रनु हो । बैंक फेल हुन सक्छ ।’ उनले भने ।