युनिलिभर नेपाल नेट जिरो तर्फ अघि बढ्दै

काठमाडौं । हेटौंडामा रहेको युनिलिभर नेपालको कारखानाले युनिलिभर दक्षिण एसियामा पहिलो विद्युतीय वायलर सञ्चालन गरेको छ । विद्युतीय हिटरबाट स्टीम उत्पादन गर्ने अनौठो प्रविधि हो ।

यसले साइटलाई तताउने प्रक्रियाका लागि जीवाश्म ईन्धनबाट बाहिर सार्न सक्षम बनाउँछ । कारखानामा हाल ९० प्रतिशत ऊर्जा खपत हुन्छ जुन दिगो ऊर्जाबाट प्राप्त हुन्छ । जसमा २० प्रतिशत आन्तरिक सौर्य बिजुली उत्पादन प्लान्ट र बाँकी ७० प्रतिशत ग्रिडबाट हुन्छ ।

पछिल्लो एक वर्षमा युनिलिभर नेपालको फ्याक्ट्रीले ६ करोड रुपैयाँको लगानीमा ऊर्जा पदचिन्ह कम गर्न र कार्बन डाइअक्साइड उत्सर्जन कम गर्न धेरै नयाँ प्रविधिहरू स्थापना गरेको छ । यो बॉयलर परियोजना ल्भतश्भचय तिर एक कदम हो । साइटले निकट भविष्यमा डिजेल जेनेरेटर चलाउन बायोडिजेलमा सार्ने योजना बनाएको छ। यसले साइटलाई १०० प्रतिशत हरित ऊर्जाको साथ सञ्चालन गर्न सक्षम बनाउँछ ।

उद्घाटन समारोहमा युनिलिभर नेपाल लिमिटेडका प्रबन्ध निर्देशक तथा सीईओ श्री अमलन मुखर्जीले भने, “हामी युनिलिभर, नेपालमा हाम्रो सञ्चालनलाई नेटजिरोतर्फ लैजान प्रतिबद्ध छौं र हाम्रो अत्याधुनिक कारखानामा विद्युतीय बॉयलरको स्थापना यस्तै एउटा कदम हो जुन हाम्रो ग्लोबल युनिलिभर दिगोपन लक्ष्यहरूसँग इनलाइन रहेको यस दिगोपन कार्यको लागि प्रमाण हो ।