एकै दिन चार हजार रुपैयाँले घट्यो सुनको मूल्य, कतिमा हुँदै छ कारोबार ?

काठमाडौं । नेपाली बजारमा आज आइतबार सुनको मूल्यमा एकैदिन चार हजार रुपैयाँको तीव्र गिरावट आएको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ४१ हजार रुपैयाँ कायम गरिएको छ । यसअघि शुक्रबार प्रतितोला एक लाख ४५ हजार रुपैयाँमा कारोबार भएको थियो । त्यस दिन सुनको मूल्यले कीर्तिमान बनाएको थियो ।

यस्तै, तेजावी सुनको मूल्य आज प्रतितो एक लाख ४० हजार ३०० रुपैयाँमा कायम भएको छ । यसअघि शुक्रबार प्रतितोला एक लाख ४४ हजार ३०० रुपैयाँमा कारोबार भएको थियो ।

यसैगरी, आज चाँदीको मूल्यमा ७५ रुपैयाँले गिरावट आएको छ । जस अनुसार आज प्रतितोला एक हजार ८२५ रुपैयाँ कायम गरिएको छ भने अघिल्लो दिन शुक्रबार एक हजार ९०० रुपैयाँमा कारोबार भएको थियो ।