हर्कको ‘जवानी लिलाम भो’ (भिडिओ)

काठमाडौं । अमेरिका निवासी गायक हर्क चाम्लिङले नयाँ सांगीतिक सौगात ‘जवानी लिलाम भो’ सार्वजनिक गरेका छन् ।

मुनाल शिशिर कोइरालाको शब्द रहेको यस गीतमा संगीत वसन्त सापकोटाको संगीत रहेको छ । गीतलाई पुस्कर सुनुवारले संगीत संयोजन गरेका हुन् ।

राजनीति भित्रको फोहरको कथामा आधारित रहेर म्युजिक भिडिओको कथा तयार पारिएको छ । भिडियोमा दिक्पाल कार्की, जीबी चिरन, चिरञ्जीवी सापकोटा, अस्मिता जुरेली, समीप निरौला, राज कुमार, गौरव हमाल, मनिसा लामा, जितेन्द्र रावल, आशा खत्री, अञ्जु गुरुङ र समीक्षा सानुको अभिनय रहेको छ ।

राजेश घिमिरेले छायाँकन गरेको भिडिओलाई अर्जुन पोखरेलले सम्पादन गरेका छन् । देवी राई निर्मात्री रहेको यस म्युजिक भिडियोलाई मुनाल शिशिर कोइरालाको निर्देशनमा तयार पारिएको हो । भिडिओ गायक चाम्लिङको युट्युव च्यानल ‘हर्क चाम्लिङ अफिसिएल’मार्फत सार्वजनिक गरिएको हो ।