चन्द्रागिरि केबलकारमा अड्किएका सबै यात्रुको सकुशल उद्धार, केहीबेरमा सुचारु हुँदै

काठमाडौं । चन्द्रागिरि केबलकारमा अड्किएका सबै यात्रुको सकुशल उद्धार गरिएको छ ।

प्राविधिक समस्या आइ अकस्मात केबलकार बन्द हुँदा यात्रा गरिरहेका ६० जना यात्रु अड्किएका थिए ।

विभिन्न माध्यम प्रयोग गरी सबै यात्रुको उद्धारपछि अहिले केबलकार जाँच भइरहेको कम्पनीका मार्केटिङ हेड प्रभाकर खड्काले जानकारी दिए ।

उनका अनुसार आवश्यक जाँपछि केहीबेरमा सुचारु गर्ने तयारी भइरहेको छ । आज दिउँसो १ बजेको समयमा केबलकार बन्द भएको थियो ।