२० दिनपछि रिहा भइन् मनोज गजुरेलकी पूर्वपत्नी ढकाल

काठमाडौं । हास्य कलाकार मनोज गजुरेलकी पूर्वपत्नी मिना मीन ढकाल २० दिनपछि छुटेकी छिन् ।

पूर्वपति हास्य कलाकार मनोज गजुरेलको घरमा चाबी लगाएर आगो लगाउँछु भन्दै उधुम मच्चाएपछि उनलाई प्रहरीले २३ असारमा पक्राउ गरेको थियो।

केही युवाहरू लिएर बालकोटमा रहेको मनोज गजुरेलको घरमा चाबी लगाउन पुगेकी मीनालाई जिल्ला प्रहरी परिसर भक्तपुरको टोलीले पक्राउ गरेको थियो ।
मनोज घरमा नभएको समय युवाहरूको ग्रुप लिएर ८५ वर्षकी गजुरेलकी आमालाई धम्काई, लछारपछार पारि चाबी लगाएर हिँड्न लागेका बेला छिमेकीहरूले प्रहरीलाई खबर गरिदिएपछि उनी पक्राउ परेकी थिइन् ।