वर्णबास म्युजियम होटलले आईपीओ निष्कासन गर्ने

काठमाडौं । वर्णबास म्युजियम होटलले साधारण सेयर आईपीओ निष्कासन गर्ने भएको छ ।

होटलले पुस २९ गतेका लागि वार्षिक साधारणसभा बोलाएको छ । सभामा आईपीओ निष्कासको प्रस्ताव रहेको छ ।

सभाले कम्पनीको पुँजी सेयर संरचनाअनुसार आईपीओ जारी गर्नका लागि सञ्चालक समितिलाई अख्तियारी दिने प्रस्ताव पारित गर्ने छ ।

गत आवको वार्षिक प्रतिवेदनसहितको वित्तीय विवरण पारित गर्ने, चालू आवका लागि लेखापरीक्षक नियुक्ति र पारश्रमिक निर्धारण गर्ने प्रस्ताव रहेको छ ।

सभा कम्पनीको रजिष्टर्ड कार्यालय बालुवाटार, काठमाडौंमा बिहान ९ बजेदेखि हुनेछ ।