फेसियल हाउसले भव्यताका साथ मनायो १७औं वार्षिकोत्सव, को-को भए सम्मानित ? (फोटो फिचर)

काठमाडौं । सौन्दर्य क्षेत्रमा उत्कृष्ट सेवा दिँदै आएको नेपालकै नम्बर वान ब्युटी सलुन ‘फेसियल हाउस’ले आफ्नो १७औं वार्षिकोत्सव मनाएको छ । सेवा प्रारम्भको १७ वर्ष प्रवेश गरेको अवसरमा फेसियल हाउसले मंसिर १० गते त्रिपुरेश्वरस्थित बोगेनभिल्लामा भव्य समारोह आयोजना गरी वार्षिकोत्सव मनाएको हो ।

काठमाडौं महानगरपालिकाकी उपमेयर सुनिता डंगोलको प्रमुख आतिथ्यता र फेसियल हाउसकी प्रबन्ध निर्देशक एवं वरिष्ठ सौन्दर्यविद् सुष्मा महराको अध्यक्षतामा वार्षिकोत्सव सम्पन्न भएको हो ।

कार्यक्रममा नेपाल उद्योग वाणिज्य संघ काठमाडौंका अध्यक्ष दिनेश श्रेष्ठ, नेपाल चेम्बर अफ कमर्सकी उपाध्यक्ष उर्मिला श्रेष्ठ, वुमन कम्युनिटीकी अध्यक्ष भगवती खड्का, राजनीतिक विश्लेषक प्रकाश रायमाझी, नेपाल ब्युटी एसोसिएशनकी महासचिव शशी शाह र फेसियल हाउसका संरक्षक तथा कर्पोरेट खबरका प्रधानसम्पादक उज्ज्वलजंग शाहलगायत सयौंको संख्यामा विभिन्न क्षेत्रमा आबद्ध व्यक्तिहरूको उपस्थिति थियो ।

समारोहमा फेसियल हाउसका संरक्षक तथा कर्पोरेट खबरका प्रधानसम्पादक शाहले स्वागत मन्तव्य राखेका थिए । उपमेयर डंगोल र अन्य अतिथिहरूका साथमा फेसियल हाउसकी प्रबन्ध निर्देशक एवं वरिष्ठ सौन्दर्यविद् महराले केक काटेर कार्यक्रमको उद्घाटन गरेकी थिइन् । कार्यक्रमका अवसरमा फेसियल हाउसले गरेका क्रियाकलापको भिडिओ डकुमेन्ट्री प्रस्तुत गरिएको थियो ।

कार्यक्रममा प्रमुख अतिथि उपमेयर डंगोलले फेसियल हाउसको १७औं वार्षिकोत्सवको शुभकामना व्यक्त गर्दै महिला सशक्तीकरणमा फेसियल हाउसले गरेको कार्य सराहनीय रहेको बताइन् । उनले भनिन्, ‘ब्युटीले व्यक्तिको कन्फिडेन्स बढाएर उसमा उत्साह थप्छ, त्यति मात्र नभई एक महिलाको सफलताले धेरै महिला दिदीबहिनीलाई प्रेरणा मिलेको छ ।’

त्यस्तै नेपाल उद्योग वाणिज्य संघ काठमाडौंका अध्यक्ष श्रेष्ठले वार्षिकोत्सव भव्यतापूर्वक सम्पन्न गरेकोमा फेसियल हाउसलाई बधाई तथा थप सफलताको शुभकामना व्यक्त गरे । उनले भने, ‘महिलाहरूले व्यवसायको नेतृत्व गरेर यहाँसम्म ल्याउन सजिलो छैन, फेसियल हाउसले त्यो चुनौती चिरेको छ र महिलाहरूमा आत्मविश्वास पनि बढाएको छ ।’

नेपाल चेम्बर अफ कमर्सकी उपाध्यक्ष श्रेष्ठले फेसियल हाउसलाई वार्षिकोत्सवको उपलक्ष्यमा शुभकामना दिँदै आगामी दिनमा यसको थप विकास र विस्तारमा जोड दिन आग्रह गरिन् । उनले भनिन्, ‘फेसियल हाउसले महिलासँगै पुरूषहरूलाई पनि सक्षम बनाउन र रोजगार सिर्जना गर्नु ठूलो भूमिका छ ।’

त्यस्तै वुमन कम्युनिटीकी अध्यक्ष खड्काले फेसियल हाउस १७ वर्ष पुगेको अवसरमा शुभकामना दिँदै यसले स्वदेशमै दर्जनौंलाई रोजगारी दिनु चानचुने विषय नभएको बताइन् ।

कार्यक्रममा नेपाल ब्युटी एसोसिएशनकी अध्यक्ष शशी शाहले ब्युटी क्षेत्रको आवश्यकता र महत्त्वको विषयलाई अझ महत्त्वका साथ अघि बढाउनुपर्ने बताइन् । उनले भनिन्, ‘ब्युटिसियन कर्म आफैंमा एउटा स्किल हो, यसलाई सकारात्मक नजरले हेर्नुपर्छ ।’

फेसियल हाउसकी प्रबन्ध निर्देशक एवं वरिष्ठ सौन्दर्यविद् सुष्मा महराले १७ वर्षको यात्रासम्म आउनमा फेसियल टिमबाट मात्र सम्भव भएको बताइन् । उनले भनिन्, ‘आगामी दिनमा अझै धेरै काम गर्न बाँकी रहेको हुँदा सबैको साथ मिल्ने विश्वास लिएकी छु ।’

अवार्ड तथा सम्मान

फेसियल हाउसको १७औं वार्षिकोत्सवमा यसका विभिन्न शाखामा कार्यरत उत्कृष्ट कर्मचारीहरूलाई अवार्ड तथा सम्मान प्रदान गरिएको छ ।

कार्यक्रमकी प्रमुख अतिथि उपमेयर डंगोलको हातबाट गरिमा शाहीलाई ‘बेस्ट अलराउन्डर पर्फर्मर’ अवार्ड प्रदान गरिएको छ ।

विनिता पुराकोटीलाई ‘बेस्ट बिह्यावियर एण्ड भ्याल्युज अवार्ड’ दिइएको छ । पोखराबाट यही अवार्ड धना थापाले हात पारेकी छन् ।

त्यस्तै ‘बेस्ट कस्टमर सर्भिस’ अवार्ड चार जनालाई प्रदान गरिएको छ । सनिदेवल ठाकुर, जीवन चौधरी, मनोज ठाकुर र विजयकुमार ठाकुरले यो अवार्ड पाएका हुन् ।

‘बेस्ट अप्रेशनल एक्सिलेन्स’ अवार्डबाट कमल ठाकुर सम्मानित भएका छन् ।

त्यसैगरी ‘बेस्ट पर्फर्मेन्स दि अफ इयर’ अवार्ड दुर्गा ढुंगानाले पाएकी छन् । पोखरा शाखाबाट इशा राना मगरलाई उक्त अवार्डबाट सम्मान गरिएको छ ।

त्यस्तै ‘बेस्ट पर्फर्मर’ अवार्डबाट अस्मिता थापा, पोखरा शाखाबाट झर्ना गुरूङ, तारा भुजेल, सृष्टि म्रिङचिङ, अंकिता लामा सम्मानित भएका छन् ।

‘बेस्ट स्किन केयर’तर्फको अवार्ड जेनी तामाङ, पुनम घर्ती मगर, ईश्वरीकुमारी जोशी, इन्दु तामाङ, केएल टावर शाखाकी इन्दुमाया तामाङले पाएका छन् ।

यस्तै ‘बेस्ट टिम इम्पावरमेन्ट’तर्फको अवार्ड प्रीति रानाले पाएकी छन् ।

फेसियल हाउसको ब्राण्ड निष्ठा र विश्वास कायम राख्न उल्लेखनीय योगदान पुर्‍याएबापत प्रभा थापा, सलुजा चौधरी, नमिना श्रेष्ठ, सञ्जी राना मगर र वीरेन्द्रसिंह बल तामाङलाई सम्मान गरिएको छ ।

यस्तै फेसियल हाउसका कर्मचारीहरू अजिता चौधरी, अञ्जली यादव, आरजु पौडेल, विकास थापा, बिना लिम्बू, विशाल ठाकुर, चन्द्र परियार, गंगामाया श्रेष्ठ, हरिबहादुर आले मगर, ईश्वरीराम खड्कालाई मायाको चिनो प्रदान गरिएको छ ।

जिबुमाया राई, जुनु विक, कञ्चन साउद, लक्ष्मी थपलिया, मञ्जुदेवी घिमिरे, मेनाज ओस्ता, मिना घर्ती श्रेष्ठ, पवित्रादेवी अधिकारी, प्रदीप ठाकुर हजाम, प्रमिला खाती, प्रेमराम भुल, प्रिया घिसिङ (शान्ति), प्रिया गुरूङ, राजकपुर ठाकुरलाई पनि मायाको चिनो प्रदान गरिएको हो ।

रेश्मीकुमारी तामाङ, रिता कुमाल, ऋतश्मा मुखिया, रोजी महर्जन पन्त, सबिना लकाइ, सन्ध्या थापा, सन्दीप परियार, सरस्वती लामिछाने, सरिता थापा, सतीश श्रेष्ठ, शोभा थापा मक्राती, सीता धामी जीसी, सुमित्रा तामाङ, सुनिता परियार, सुनिता वाइबा, सुनिता मोक्तान, सुशान्त ताम्राकार, सुशता श्रेष्ठ, उषा सापकोटाले पनि मायाको चिनो पाएका छन् ।

कार्यक्रमलाई सफल बनाउन उपस्थित विभिन्न क्षेत्रका विशिष्ट व्यक्तित्वहरूलाई पनि मायाको चिनो प्रदान गरिएको थियो ।