सिटिजन्स बैंककाे थप सुविधा मोबाइल बैंकिङ एपमा प्यान अपडेट र ब्यालेन्स सर्टिफिकेट अनुरोध गर्न सकिने

 ‘बैंक अफ द ईयर २०२४’ को उपाधि जित्न सफल सिटिजन्स बैंकले केही समयअघि मात्र फोनपेसँगको सहकार्यमा नेपालमै पहिलो पटक ‘सिटिजन्स फोनपे क्रेडिट कार्ड’ (भर्चुअल क्रेडिट कार्ड) सञ्चालनमा ल्याएको थियो। त्यस्तै, नेपालमै पहिलो पटक मोबाइल बैंकिङ एपमार्फत शेयर आवेदन र सिआरएन नम्बर सेवा उपलब्ध गराउने सुविधा पनि बैंकले शुरू गरेको छ।

सिटिजन्स बैंक इन्टरनेसनल लिमिटेडले देशभरका ६० जिल्लामा फैलिएका आफ्ना १९९ शाखा, १६६ एटिएम, ३ विस्तारित काउन्टर र ७४ शाखारहित बैंकिङ इकाइमार्फत १८ लाख ५० हजार ग्राहकलाई आधुनिक बैंकिङ सेवा प्रदान गर्दै आएको छ। डिजिटल र नवीन सेवाहरू मार्फत ग्राहकको सुविधालाई प्राथमिकता दिँदै आएको यो बैंकले आगामी दिनमा पनि यस्तै सेवाहरू विस्तार गर्ने योजना बनाएको छ।