फ्रान्सका राष्ट्रपतिलाई श्रीमतीले मुक्का हानेपछि… (भिडिओ)

काठमाडौं । फ्रान्सेली राष्ट्रपति इमानुएल म्याक्रोन र उनकी श्रीमती ब्रिगिट म्याक्रोनबीच भएको झगडाको भिडिओ भाइरल भइरहेको छ । म्याक्रोन २५ मे मा भियतनाम भ्रमणमा पुगेका थिए । यसैबीच, हनोईको नोई बाई अन्तर्राष्ट्रिय विमानस्थलमा उनकी श्रीमतीले उनको अनुहार समातेर धकेलीदिइन् ।

दुवै जना विमानबाट ओर्लने तयारी गरिरहेका बेला यो घटना भएको थियो । भिडियओमा म्याक्रोनको विमानको ढोका खुल्नेबित्तिकै ब्रिगिटले म्याक्रोनको अनुहार समातेर धकेलेको देखिएको छ । यस क्रममा म्याक्रोन केही क्षणका लागि स्तब्ध देखिन्छन्, त्यसपछि तुरुन्तै आफूलाई सम्हाल्छन् र बाहिरका मानिसहरूतिर हात हल्लाउँछन् ।

यसपछि ब्रिजिट पनि आफ्ना श्रीमानसँगै बाहिर निस्कन्छिन् । उनी म्याक्रोनसँग विमानको भर्‍याङबाट ओर्लिन्छिन् । यस क्रममा म्याक्रोनले उनीतिर आफ्नो हात बढाउन खोज्छन्, तर उनले त्यसलाई बेवास्ता गर्छिन् ।

हेर्नुहोस् भिडिओ–

म्याक्रोनको कार्यालयले यसबारे टिप्पणी गरेको छ । सुरुमा यसलाई अस्वीकार गरे पनि पछि यो दुईबीचको सानो विवाद भएको बताएको छ । म्याक्रोनका एक घनिष्ठ सहयोगीले राष्ट्रपति र उनकी श्रीमतीले हल्का मजाक गरेको बताए, तर रुस समर्थक ट्रोलरहरूले यसलाई घरेलु विवादको रूपमा चित्रण गरेका छन् ।

पछि हनोईमा पत्रकारहरूसँग कुरा गर्दै म्याक्रोनले यो झगडा नभएर एकअर्कासँग मजाक भएको बताए ।

यो घटना म्याक्रोनको दक्षिण–पूर्वी एसिया भ्रमणको सुरुमा भएको हो, जसमा उनी भियतनाम, इन्डोनेसिया र त्यसपछि सिङ्गापुरको भ्रमण गर्नेछन् ।

म्याक्रोनकी श्रीमती ब्रिजिट उनीभन्दा २४ वर्ष जेठी छिन् । १९९२ मा जब इमानुएल म्याक्रोन १५ वर्षका थिए, उनको भेट ब्रिजिट ट्रोनोसँग भयो । त्यतिबेला ब्रिजिट ३९ वर्षकी थिइन् र उत्तरी फ्रान्सको एमियन्सस्थित ला प्रोभिडेन्स हाई स्कुलमा फ्रान्सेली भाषा र नाटककी शिक्षिका थिइन् । इमानुएलले त्यही स्कुलमा पढेका थिए । ब्रिजिटकी छोरी म्याक्रोनकी सहपाठी थिइन् । दुवै जना असल साथी थिए र प्रायः सँगै देखिन्थे । यस्तो अवस्थामा धेरैले दुवैलाई प्रेमिका–प्रेमी माने । तर, म्याक्रोनलाई आफ्नी शिक्षिका आमा मन पर्थ्यो ।

इमानुएल स्कुलको नाटक क्लबमा सामेल भए, जहाँ ब्रिजिटले नाटक पढाउँथिन् । दुवैले सँगै एउटा नाटकमा काम गरे, जसमा इमानुएलले पटकथा लेख्न मद्दत गरे । उनीहरूको निकटता यहीँबाट सुरु भयो । बुबाले उनलाई स्कुल छोड्न लगाए, तर माया अक्षुण्ण रह्यो ।

इमानुएल त्यतिबेला नै ब्रिगिटसँग प्रेममा परेका थिए । इमानुएल र ब्रिजिटबीचको बढ्दो निकटता स्कुलमा छलफलको विषय बनेको थियो । इमानुएलका आमाबाबु यो सम्बन्धको विरुद्धमा थिए । उनीहरूले इमानुएललाई ब्रिगिटबाट टाढा राख्न पेरिस पठाए । ब्रिगिटलाई आफ्नो छोरा वयस्क नहुँदासम्म आफूबाट टाढा रहन धम्की पनि दिए । तर, पछि उनीहरूले २००७ मा विवाह गरेका थिए । अहिले म्याक्रोन ४८ वर्षका छन् भने ब्रिगिट ७२ वर्षकी छन् ।