बोएटले ल्यायो प्रिमियम अडिओ अनुभवसहितको ‘निर्भाना’ सिरिज

काठमाडौं । भारतको नम्बर वान अडिओ वेयरेबल ब्राण्ड बोएटले नेपालमा आफ्नो आगमनको औपचारिक घोषणा गरेको छ, जसले ब्राण्डको अन्तर्राष्ट्रिय यात्रामा एक महत्त्वपूर्ण उपलब्धिको सङ्केत गर्दछ ।

यद्यपि, बोएटले नेपालमा पहिले नै बलियो उपस्थिति बनाइसकेको छ, अब यसले अत्यधिक प्रशंसित ‘निर्भाना’ सिरिजको आधिकारिक सार्वजनिकीकरणमार्फत आफ्नो उपस्थिति औपचारिक बनाएको छ । उच्च–प्रदर्शन क्षमतायुक्त एएनसी (एक्टिभ न्वाइज क्यान्सेलेशन) युक्त इयरफोन र इयरबड्स समावेश गरिएको प्रिमियम ‘निर्भाना’ सिरिज अब नेपालभरका प्रमुख अनलाइन तथा अफलाइन खुद्रा प्लेटफर्महरूमा उपलब्ध हुनेछ ।

बोएटले अडिओ वेयरेबल क्षेत्रमा आफ्नो प्रभुत्व जमाउँदै आएको छ र नेपाल प्रवेश गरेको केही वर्षमै यो वर्गका शीर्ष तीन ब्राण्डमध्ये एकको रूपमा स्थापित भइसकेको छ, जसले नेपाली उपभोक्तामाझ यसको गहिरो रुचि र विश्वासलाई प्रमाणित गर्दछ ।

बोएटलाई राष्ट्रिय रूपमा टेलिटक प्रालि (रमेशकर्प अन्तर्गतको संस्था) ले वितरण गर्दै आएको छ । बोएट छोटो समयमा नै नेपालका प्रविधिमैत्री र युवापुस्ताको रोजाइको ब्राण्ड बन्न सफल भएको छ, जसले अत्याधुनिक प्रविधि, आकर्षक डिजाइन र सुलभ मूल्यको संयोजन प्रस्तुत गर्दछ । टेलिटकले नेपालमा दूरसञ्चार र उपभोक्ता इलेक्ट्रोनिक्सको द्रुत रूपान्तरण भइरहेको परिवेशमा काम गर्दै आएको छ । बलियो वितरण सञ्जाल र विश्वव्यापी साझेदारीको माध्यमबाट कम्पनीले नेपाली उपभोक्तालाई नवप्रवर्तनयुक्त प्रविधि उत्पादन प्रदान गरिरहेको छ ।

बोएटका सह–संस्थापक तथा प्रमुख मार्केटिङ अधिकृत अमन गुप्ताले भने, ‘नेपाल सधैं हाम्रो लागि विशेष स्थान रहँदै आएको छ र हामी यस जीवन्त र विकासोन्मुख बजारमा आफ्नो औपचारिक उपस्थिति जनाउन पाउँदा अत्यन्त हर्षित छौं । नेपाली उपभोक्ताबाट पाएको प्रतिक्रिया अत्यन्त उत्साहजनक छ र हामी हाम्रो ब्राण्डमा राखिएको विश्वासप्रति आभारी छौं । हाम्रो प्रिमियम ‘निर्भाना’ सिरिजको सुरूआतसँगै हामी आजको जीवनशैलीअनुसारको आवश्यकतालाई सम्बोधन गर्ने उच्च गुणस्तरीय र डिजाइन–मुखी अडिओ अनुभव प्रदान गर्ने प्रतिबद्धता दोहोर्‍याउँछौं ।’

यस्तै, टेलिटकका कार्यकारी निर्देशक प्रतीक जलानले भने, ‘यस औपचारिक घोषणासँगै बोएटले नेपालमा आफ्नो प्रतिबद्धता दोब्बर बनाउने तयारी गरेको छ, जसअनुसार ब्राण्डले थप जीवनशैली–केन्द्रित अडिओ तथा वेयरेबल उत्पादनहरू नेपाली बजारमा ल्याउनेछ र आफ्नो तीव्र रूपमा वृद्धि भइरहेको फ्यानबेससँगको सम्बन्धलाई अझ गहिरो बनाउनेछ ।’

भारतमा बोटको चमत्कारी विस्तारलाई नेपालमा पनि समान रूपमा प्रतिबिम्बित गरिएको छ । नवप्रवर्तन, डिजाइन र सामुदायिक संलग्नताप्रति बोएटको निरन्तर प्रतिबद्धताले यसको क्षेत्रीय र विश्वव्यापी विस्तारलाई निरन्तर गति दिइरहेको छ ।

इम्याजिन मार्केटिङ लिमिटेडको बारेमा

भारतमा दर्ता गरिएको इम्याजिन मार्केटिङ लिमिटेड (आईएमएल) ले बोएट ब्राण्डअन्तर्गत अडिओ, वेयरेबल्स र चार्जिङ समाधानहरूसहितको उत्पादन पोर्टफोलियो प्रदान गर्दछ । इम्याजिनको छातामुनि स्थापना गरिएको बोएटले अडिओ उद्योगमा क्रान्ति ल्याउँदै सन् २०२४ को क्यालेन्डर वर्षमा मूल्य र परिमाण दुवैमा भारतको व्यक्तिगत अडिओ ब्राण्डहरूको सूचीमा नम्बर वान स्थान हासिल गरेको छ (स्रोत : रेडसियर रिपोर्ट) ।

बोएटको पोर्टफोलियोमा जीवनशैली–अनूकुल, प्रविधि–सक्षम र राम्रो डिजाइन भएका उत्पादनहरू समावेश छन्, जुन युवा तथा डिजिटल रूपमा सक्षम उपभोक्तालाई लक्षित गरिएको छ । आईएमएलले क्वालकम–पावर्ड उत्पादनहरू र डल्बी–इनेबल्ड अडिओ विशेषताहरूमार्फत नवप्रवर्तन गर्दै आएको छ ।

कम्पनीमा साउथ लेक इन्भेष्टमेन्ट लिमिटेड (वारबर्ग पिन्कस समूहको सहायक संस्था), क्वालकम भेन्चर्स एलएलसी र फायरसाइड भेन्चर्स इन्भेष्टमेन्ट फण्ड वान (फायरसाइड इन्भेष्टमेन्ट ट्रष्टअन्तर्गतको स्किम) को लगानी छ ।

कम्पनीका कार्यालयहरू हाल दिल्ली, मुम्बई र बेङ्लुरुमा अवस्थित छन् ।