अमेरिकी फेडरल रिजर्भ बैंकका प्रमुखलाई तुरुन्तै पद छोड्न ट्रम्पको आग्रह

काठमाडौं । अमेरिकी राष्ट्रपति डोनाल्ड ट्रम्पले फेडरल रिजर्भ बैंकका प्रमुख जेरोम पावेललाई तुरुन्तै पद छोड्न आग्रह गरेका छन् ।

ट्रम्पले आफ्नो सामाजिक प्लेटफर्म ट्रुथ सोसियलमा लेख्दै बैंकका प्रमुख पावेललाई तुरुन्तै पद छोड्न आग्रह गरेका हुन् ।

उनले भनेका छन्- ‘धेरै ढिलो भयो, उनले तुरुन्तै राजीनामा दिनुपर्छ !’ ट्रम्पले आफ्नो पहिलो कार्यकालमा पावेललाई फेडरल रिजर्भ बैंकको अध्यक्षको रूपमा मनोनित गरेका थिए । ट्रम्पले ब्याजदर कटौती नगरेकोमा पावेलको बारम्बार आलोचना गरेका छन् ।

राष्ट्रपति ट्रम्पसँग उनलाई पदबाट हटाउने शक्ति छ कि छैन भन्ने कुरा स्पष्ट छैन । पावेलको निरन्तर आलोचनाको बाबजुद, राष्ट्रपतिले यस वर्षको सुरुमा पावरलाई बर्खास्त गर्ने उनको कुनै मनसाय नरहेको बताएका थिए ।

ट्रम्प आर्थिक वृद्धि बढाउन फेडरल रिजर्भ बैंकले ब्याजदर घटाउन चाहन्छन् । अर्कोतर्फ, पावेलले ट्रम्पको ट्यारिफ नीतिहरूले अर्थतन्त्रलाई असर नगरेको भए, केन्द्रीय बैंकले पहिले नै ब्याजदर घटाइसकेको हुने थियो भन्ने प्रतिक्रिया दिएका थिए ।

Shorts

डेटिङ र क्रिप्टो कारोबारमा संलग्न ६ जना चिनियाँसहित ५२ जना पक्राउ

सिद्धबाबा सुरुङको इन्भर्ट निर्माण सम्पन्न

चीनमा थुप्रिन थाल्यो नेपाली पैसा

५२ संवैधानिक नियुक्ति विरुद्धको रिट बहुमतले खारेज

‘वरिष्ठ नेता’ विरुद्ध फेरि बोलिन् रामकुमारी

हकप्रद सेयरमा नयाँ व्यवस्था गरिँदै

जलवायुमैत्री वित्तीयकरणको आवश्यकतामाथि महासंघको जोड

हिम स्टार उर्जाले आईपीओ निष्कासन गर्ने

निर्जीवन बीमा कम्पनीहरूको व्यवसाय ११ महिनामा ३९ अर्ब बढी

सबै पक्षलाई स्वीकार्य हुने मौद्रिक नीति ल्याउने तयारी