भारत र इङल्याण्डबीचको दोस्रो टेस्टको पाँचौं दिनको खेल बर्षाले प्रभावित

काठमाडौं । भारत र इङल्याण्डबीचको दोस्रो टेस्टको पाँचौं दिनको खेल बर्षाले प्रभावित भएको छ ।

इङल्याण्डको बर्मिङ्घममा वर्षा भएपछि पाँचौं तथा अन्तिम दिनको खेल सुरु हुन सकेको छैन ।

यस खेलमा भारतले इङल्याण्डलाई ६०८ रनको लक्ष्य दिएको छ । ६०८ रनको लक्ष्य पाएको इङल्याण्डले खेलको चौथो दिन सकिदा ३ विकेट गुमाएर ७२ रन बनाएको छ भने जितका लागि अझै ५३६ रन आवश्यक रहेको छ । त्यस्तै भारतको जित्लागी ७ विकेट आवश्यक रहेको छ ।

जारी दोस्रो टेस्टमा भारतले दोस्रो इनिंगमा ६ विकेट गुमाएर ४२७ रन बनाएपछि आफ्नो इनिंग घोषणा गर्दै इङल्याण्डलाई ६०८ रनको लक्ष्य दिएको थियो । भारतले इङल्याण्डमाथि पहिलो इनिंगमा १८० रनको अग्रता बनाएको थियो ।

दोस्रो इनिंगमा भारतका लागि कप्तान शुभमन गिलले शानदार शतकीय पारी खेल्दै १६१ रन बनाएका थिए । त्यस्तै रविन्द्र जडेजाले ६९ र ऋषव पन्तले ६५ रन बनाएका थिए । त्यस्तै के एल राहुलले ५५ रनको योगदान दिएका थिए ।

यस टेस्टमा भारतले पहिलो इनिंगमा ५८७ रन बनाएको थियो भने इङल्याण्डले ४०७ रन बनाएको थियो ।