मंगलबार, कात्तिक २५, २०८२
कर्पोरट खबर
5:36 pm, सोमबार, कात्तिक २४, २०८२
काठमाडौं । प्रहरीले ‘जेन जी’ प्रदर्शनमा ‘टीओबी’ लेखिएको टिसर्ट लगाएर बुलेट मोटरसाइकल चलाउने समूहमाथि नै अनुसन्धान सुरू गरेको छ ।
गत भदौ २३ गते जेन जी प्रदर्शनमा ‘टीओबी’को टिसर्ट लगाएर एक समूहले आतंक मच्चाएको थियो । उनीहरूको समूहमाथि नै प्रहरीले सोधपुछ गरेको छ ।
प्रहरीले यसअघि नै टीओबीकै टिसर्ट लगाएर कम्बरमा पेस्तोल राखिएको भिडियोका आधारमा तेन्जिङ दावा लामालाई पक्राउ गरेर मुद्दा चलाएको थियो ।
गत असोज २६ मा पक्राउ गरेर अनुसन्धान थालेको प्रहरीले उनको नागरितासमेत किर्ते गरेर लिएको खुलाएको छ । उनले काठमाडौं महानगरपालिका–६ बाट नागरिकताको सिफारिस लिएको तर, किर्ते गरेर दिएको खुलेको हो ।
दावा टीओबी समूहको कमाण्डरसमेत भएको प्रहरीको दाबी छ । दावाको नागरिकता नै किर्ते गरेर लिएको खुलेपछि प्रहरीले प्रदर्शनमा उनीसँगै मोटरसाइकल चलाउने थप १७ जनाको पहिचान गरेर सोधपुछ गरेको हो ।
जिल्ला प्रहरी परिसर काठमाडौंका एसपी पवन भट्टराईले टीओबी लेखिएको टिसर्ट लगाएर मोटरसाइकल चलाउने १७ जनामाथि सोधपुछ भएको जानकारी दिए । दावामाथि प्रहरीले लागुऔषध कसुर र किर्तेमा थप अनुसन्धान जारी राखेको छ ।
FACEBOOK COMMENTS